Жер титирөөгө туруктуу курулуш жана инженердик долбоорлоо мамлекеттик институтунун адистери Кытайдын Пекин шаарына иш сапары менен барды. Бул тууралуу Курулуш, архитектура жана турак жай-коммуналдык чарба министрлиги билдирди.
Маалым болгондой, кыргызстандык адистер Пекинге иш сапары менен барып, Кытайдын CSCEC компаниясы менен курулуштагы заманбап технологиялар боюнча тажрыйба алмашты.
Делегация жер титирөөгө туруктуу курулуш ыкмаларын, BIM моделдештирүүнү жана демпфердик системаларды изилдеди. Ошондой эле өрт коопсуздугу жана инженердик чечимдер талкууланды. Тараптар кызматташууну улантууну макулдашты.
