Кыргызстандын футбол боюнча улуттук курама командасы сентябрь жана октябрь айларында эки жолдоштук беттеш өткөрөт. Бул тууралуу Кыргыз футбол биримдиги билдирди.
Жаңы башкы машыктыруучу Урмат Абдукаимов жетектеген команда 21-сентябрда Бишкектеги «Мурас Юнайтед» базасында машыгуу жыйынын баштайт.
Алгачкы беттеш 28-сентябрда Мальдив аралдарынын курамасына каршы өтөт. Оюн Бишкектеги Дөлөн Өмүрзаков атындагы стадиондо болот.
Ал эми 4-октябрда кыргызстандык футболчулар Ливан менен ушул эле стадиондо күч сынашат.
Кыргыз футбол биримдигинин маалыматына караганда, бул оюндар улуттук кураманын 2027-жылдагы Азия кубогунун финалдык этабына даярдыгынын маанилүү бөлүгү болуп саналат.
