Кыргызстан менен Тажикстан чек ара маселелерин жаңы жылга чейин чечүүнү мерчемдөөдө. Бул тууралуу министрлер кабинетинин төрагасы Акылбек Жапаров «Жакырчылык жана теңсиздик» улуттук өнүгүү форумунда билдирди.
«Кыргызстан менен Тажикстандын президенттери берген тапшырмаларынын үстүндө иштеп жатабыз. Жаңы жылга чейин чек ара маселелери чечилгенин билдиршибиз керек», — деди Акылбек Жапаров.
Жапаров быйыл Өзбекстан менен чек араны делимитациялоо толук аяктаганын кошумчалады.
Эске сала кетсек, октябрда Кыргызстандын жана Тажикстандын УКМК башчылары кыргыз-тажик мамлекеттик чек арасын делимитациялоо жана демаркациялоо боюнча протоколго кол коюшкан.
