«Кыргызстан» санаторийинин 100 гектар жери менчиктешип олтуруп, 20 гектардай эле калыптыр. Бул тууралуу президенттин иш башкаруучусу Каныбек Туманбаев билдирди.
Анын айтымында, 90 жыл мурда салынган имараттар уурдалып, айлана-чөйрөсү каралбай калган. Ошондой эле, кызматкерлердин айлыктары 3 жылдан бери берилбей жүргөн.
«Санаторийдин кызматкерлери президентибиз Садыр Нуркожоевичтин демилгесин колдоп, мындан кийинки кадамдарга үмүт артышты. Анан албетте баардык тармактарда айлык маселеси көтөрүлүүдө, буюрса иш толугу менен бир нукка түшкөндөн кийин, бүгүнкүдөй 3 миң же 7 миң эмес, татыктуу айлык акы алышат»,- дейт Туманбаев.
