Бишкекте Рыскүл Намазбекова уюштурган «Кыргызстан сулуусу — 2021» сынагынын финалы болуп өттү.
Маалыматка ылайык, негизги байге үчүн 16 жаштан 28 жашка чейинки отуздай кыз ат салышты. Сынак «өзүн тааныштыруу», «улуттук костюм», «үй тапшырма» жана «кече кийими» деп аталган этаптардан турду.
Бардык турлардын жыйынтыгы менен жеңүүчү деп Алтынай Ботоярованы тандашты. Ал былтыр «Бишкек сулуусу — 2020» наамына ээ болгон. Ага чейин Mini Miss Fashion — 2010 жана Miss Fashion — 2014 сынактарында жеңишке жеткен.
Эскерте кетсек, бул сынакта былтыр Лаззат Нуркожоева жеңген. Ага BMW X5 үлгүсүндөгү автоунаа белек кылышкан.
