Министрлер кабинети Кыргызстанда окуган тажикстандык студенттерди чек арадан тоскоолдуксуз өткөрүү боюнча чечим чыгарды. Бул тууралуу Министрлер кабинетинин төрагасынын орун басары Эдил Байсалов твиттердеги баракчасына жазды.
Одним из первых решений нового Кабинета Министров стало открытие границы для студентов из Таджикистана, обучающихся в наших ВУЗах — самого прочного моста дружбы и взаимопонимания между нашими братскими народами. #freekg
— Edil Baisalov (@baisalov) October 21, 2021
Маалыматты Билим берүү жана илим министринин басма сөз катчысы Самат Тоялиев да тастыктады.
Кыргызстандагы Жогорку жана орто окуу жайларда жалпысынан Тажикстандык 2000дей студент билим алат. Апрелде Баткендеги кагылышуудан кийин чек ара жабылып, студенттер жаңы окуу жылында окууга келе албай, онлайн форматта улантып жаткан.
Алсак БатМУда тажикстандык 150 студент билим алат. Алар 15-сентябрдан бери онлайн форматта окуп жаткан. Чек арадан өтүүгө урусат берилди, эми офлайн же сабактарга катышуу талап кылынат.
