Бүгүн, 18-август Бишкектеги БУУнун өкүлчүлүгүнүн алдына Ооганстандан 20 жыл алдын качып келген жарандар чогулууда. Алар Кыргызстан бийлигинин качкын статусун берүүсүн же АКШ, Канадага кетүүсүнө шарт түзүлүшүн сурашууда.
«Биз 22 жыл мурда келген болсок да Кыргызстан бизди кабыл алган жок, статус берген жок. Бизде азыр эч кандай документ жок. Бирок, бул жерде балдарыбыз төрөлүп, чоңоюп барат«-дешет.
Акциянын катышуучулары БУУнун имаратынын алдында башталган митингин АКШ элчилигинин алдында уланаарын билдирди.
«Биздин угушубузча Оогандагы кырдаалга байланыштуу оогандын жарандары АКШ, Канадага кетип жатыптыр. Биз дагы аларга кошулуп кеткибиз келет«-дейт.
Сүрөттөр Кактус медиадан алынды.
