Кыргызстандык куткаруучулардын издөө-куткаруу иштери Кахраманмараш шаарындагы “Он эки шубат” районунда жүрүп жатат.
«Түркиядагы ар бир аткарылып жаткан иштерден Өзгөчө кырдаалдар министри Бообек Ажикеев ар бир саатта байланышып, кабар алууда. Учурда куткаруучулардын ден соолуктары жакшы, иштөөгө шаймандары жетиштүү. Түнү менен дагы издөө-куткаруу иштери жүргүзүлөт»,- деп берилет маалыматта.
Видеодо куткаруучу учурда саат 04:50 болгонун айтып, ушуга чейин 19 адамдын сөөгүн алып чыкканын билдирди. «Издөө иштерин улантып жатабыз», — дейт куткаруучу.
