Кыргызстандан Өзбекстанга өтө күчтүү дары-дармектерди, ошондой эле акцизсиз тамеки продукцияларын ташуучу канал аныкталды. Бул тууралуу УКМК билдирди.
23-январда Кадамжай районунун чек ара аймагында Өзбекстандын жаранына күчтүү таасир этүүчү дары-дармек каражаттарын өткөрүп берүүгө аракет кылган учурда 1999-жылкы Кыргызстандын жараны кармалган. Аны тинтүү учурунда 396 даана «Тропикамед», ал эми жашаган жеринен (Кыргызстандагы дары-дармек каражаттарынын реестринде катталбаган) 25 даана «Регопен» таблеткасы табылган.
Кадамжайдын тургуну Т.у.М Кыргызстандан Өзбекстанга товар ташуу боюнча мыйзамсыз каналдын уюштуруучуларынын бири катары аныкталып, тинтүү учурунда ESSE CHANGE үлгүсүндөгү акцизсиз 60 куту, баасы 4 млн сомго жакын тамеки продукциясы табылган.
Мамлекеттик бюджетке 2 млн 335 миң сомго жакын зыян келтирилген. Кармалган жаран УКМКнын тергөө абагына киргизилип, тергөө-ыкчам иш-чаралар жүргүзүлүүдө.
