Жеңил атлетика боюнча Кыргызстандын курама командасынын мүчөлөрү “Гусман Косанов мемориалы” салттуу эл аралык мелдешинде 6 медаль жеңди. Бул тууралуу Жаштар иштери, дене тарбия жана спорт боюнча мамлекеттик агенттигинен билдирди.
Маалыматка ылайык, мелдеш 19-20-июнь күндөрү Алматы шаарында өттү. Мелдешке 13 өлкөдөн 200дөн ашык спортчу катышты. Ал эми Кыргызстандан башкы машыктыруучу Айбек Сыргакбековдун жетекчилиги алдында 12 спортчу күч сынашты.
Жыйынтыктар:
Алтын – Нурсултан Кеңешбеков, 1500 метр аралыкта (3:44.31);
Алтын – Нурсултан Кеңешбеков, 5000 метр аралыкта (14:48.47);
Алтын – Мусулман Жоломанов, 800 метр аралыкта (1:51.25);
Күмүш – Гулшаной Сатарова, 1500 метр аралыкта (4:36.39);
Коло – Самат Казакбаев, 1500 метр аралыкта (3:55.87);
Коло – Бердигул Айтпай уулу, 5000 метр аралыкта (15:16.54).
