Улуттук статистикалык комитетинин маалыматы боюнча, 2023-жылдын 8 айында Кыргызстандан парфюмерия жана фармацевтика үчүн 200 тоннадан ашык чөп өсүмдүктөрү экспорттолгон.
Жалпысынан продукция сегизден ашык өлкөгө жиберилген, анын ичинен эң көп Россия, Түштүк Корея жана Испанияга экспорттолгон.
Нарктык мааниде экспорттун көлөмү 612 миң долларды түзүп, өткөн жылга салыштырмалуу көлөмү 213,9 миң долларга (2022-жылы 825,9 миң доллар) азайган. Ошол эле учурда кыргызстандык экспортчулар 82,1 тоннага көп жөнөтүшкөн.
