Суу ресурстары, айыл чарба жана кайра иштетүү өнөр жайы министри Эрлист Акунбеков Кытайга болгон иш сапарынын алкагында Кытайдын Башкы бажы башкармалыгынын министри Сунь Мэйцзюнь менен жолукту.
Жолугушууда “Торугарт” көзөмөл өткөрүү бекети аркылуу Кыргызстандан дан азыктарын Кытайга экспорттоо макулдашылды. Эми Чүй облусундагы дыйкан фермерлери үчүн өздөрүнүн дан азыктарын экспорттоого мүмкүнчүлүк ачылды.
Ошондой эле “Торугарт” көзөмөл өткөрүү бекетинин иштөө графигинин мөөнөтүн узартуу сүйлөшүлдү.
“Торугарт” бекети аркылуу дан азыктары үчүн кошумча каттамды ачуу экспорттук мүмкүнчүлүктөрдү кеңейтүүгө, айыл чарба продуктулары менен өз ара соода жүргүзүүнү мындан ары дагы өнүктүрүүгө мүмкүндүк берет.
