Кыргызстандын «Сальвадор Дали» тасмасы Индияда өткөн эл аралык кинофестивалда байгеге ээ болду. Бул тууралуу Төлөмүш Океев атындагы улуттук “Кыргызфильм” киностудиясы билдирди.
Элдияр Мадакимдин кыска метраждуу тасмасы «Мыкты балдар актёру» наамын жеңип алган. Тасма 2021-жылы “Айтыш фильм” киностудиясынын базасында улуттук киностудиянын колдоосу менен тартылган. «Сальвадор Далиде» режиссёрдун өзүнүн балалыгы тууралуу баяндалат. Ал тоодо жашаган чоң апасынын колунда тарбияланган. Күн сайын бала мектепке жетүү үчүн узак жол басып, дарыяны кечип өтүүгө аргасыз болот.
