Чүй облусунун аймагында мыйзамсыз миграция каналына бөгөт коюлду. Кыргызстандын жана Өзбекстандын жарандары, ошондой эле аталган кылмыш ишине колдоо көрсөткөн милиция кызматкерлери кармалды.
Тактап айтканда, Кыргызстандын эки жараны милиция кызматкеринин колдоосу астында эч кандай уруксат берүүчү документтери жок мыйзамсыз эмгек ишмердигин жүргүзүү үчүн коңшу мамлекеттердин биринин жарандарын алып келишкен, ошону менен өлкө аймагында мыйзамсыз миграциянын туруктуу каналын уюштурушкан.
Натыйжада 3 уюштуруучу жана 19 чет элдик жалданма кызматкер кармалган.
