Кыргызстанга Россиядан 1 147 тоннага жакын кезектеги гуманитардык азык-түлүк жардамы келди. Бул тууралуу Эмгек, социалдык камыздоо жана миграция министрлигинен билдиришти.
Маалыматка ылайык, жардам БУУнун Дүйнөлүк азык-түлүк программасы аркылуу акысыз негизде берилди жана өлкө боюнча аялуу үй-бүлөлөргө таратылат.
Байытылган буудай унү жана өсүмдүк майы БУУнун Дүйнөлүк азык-түлүк программасынын долбоорлоруна катышкан болжол менен 4 600 аз камсыз болгон үй-бүлөгө берилет. Алар муну менен ирригациялык түйүндөрдү, ичүүчү суу тутумдарын калыбына келтирүүгө, бак-дарак отургузууга, дарыя жээктерин бекемдөөгө көмөктөшөт, ошондой эле заманбап айыл чарба ыкмалары жана өз алдынча иш менен камсыз болуу боюнча окутуулардан өтүшөт.
