Бүгүн президентке караштуу Инвестициялар боюнча улуттук агенттиктин башчысы Равшанбек Сабиров Кытайдын Longteng Lighting Group Co., Ltd. компаниясынын өкүлдөрү менен жолугуп, шаардык жана архитектуралык жарыктандыруу долбоорлору боюнча кызматташуу маселелерин талкуулашты. Бул тууралуу аталган агенттиктен билдиришти.
Компания BRICS жана ШКУ саммиттери өткөрүлгөн аянттарды жарыктандыруу тажрыйбасына ээ жана Кыргызстанда көчө жарыктарын жаңылоо, инфраструктураны модернизациялоо долбоорлоруна инвестиция салууга кызыкдар. Өзгөчө ШКУ саммитине даярдыктын алкагында шаарды модернизациялоого катышуу маселеси талкууланды.
Тараптар шаардык инфраструктураны өнүктүрүүгө жана өлкөнүн инвестициялык жагымдуулугун жогорулатууга багытталган келечектүү долбоорлорду ишке ашырууну макулдашышты.
