Кытайдагы майрамдарга байланыштуу «Торугарт» жана «Эркеч-Там» өткөрүү пунктулары убактылуу жабылат. Бул тууралуу УКМКнын Чек ара кызматынан кабарлады.
Убактылуу чектөө 1-3-октябрь жана 6-октябрь күндөрү болот. Ал эми 4-5-октябрь күндөрү жүк ташуучу транспорт каражаттарын жана товарларды тариздөө, өткөрүү процедуралары гана жүргүзүлөт. Бул күндөрү жеке жактар өтө албайт.
Жогоруда аталган көзөмөл-өткөрүү пунктулары 7-октябрдан тарта штаттык режимде иштеп баштайт.
Чек ара жабылган күндөрү Кытайда өлкөнүн түзүлгөн күнү жана Күз майрамы белгиленет.
