Кытайдан ташылып келе жаткан 25 тонна картошканын фитосанитардык сертификаты жасалма экени аныкталып, “Эркечтам” өткөрүү пунктунан артка кайтарылды. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Аталган факты боюнча, КР «Өсүмдүктөрдүн карантини жөнүндө» мыйзамынын жана Евразия экономикалык бирлигинин Комиссиясынын № 318 чечиминин талаптарына ылайык, продукция Кыргызстандын аймагына киргизилген жок жана кайра артка кайтарылды.
Бул иш-аракет «Эркечтам» карантиндик фитосанитардык өткөрмө пунктунун кызматкерлери тарабынан мыйзам чегинде жүргүзүлдү.
