“Түндүк-Чыгыш”бажысынын кызматкерлери жалган декларациялоо жана тыюу салынган товарларды Кыргызстанга мыйзамсыз ташып кирүү аракетине бөгөт койду. Бул тууралуу Бажы кызматы билдирди.
Кытайдан “Кант” убактылуу сактоо кампасына “М.Л.” ЖЧКнын дарегине автотранспорт каражаты келген. Коштомо документтерде жүк эмерек отургучтары, эмерек фурнитурасы жана идиш-аяк катары көрсөтүлгөн. Бирок бажылык текшерүүнүн жүрүшүндө жалпы салмагы 18 килограмм болгон эки комплект балык уулоочу тор табылды.
Мыйзамсыз товар жок кылынып, ишканага карата мыйзам чегинде чара көрүлөт.
