Лаос Элдик Демократиялык Республикасынын президенти Тхонглун Сисулит Кыргызстанга жумуш сапары менен келди. Аны “Манас” эл аралык аэропортунан министрлер кабинетинин төрагасынын биринчи орун басары Данияр Амангелдиев тосуп алды.
Тхонглун Сисулит «ШКУ плюс» форматындагы жогорку деңгээлдеги жолугушууга жана VI Дүйнөлүк көчмөндөр оюндарынын ачылыш аземине катышуу үчүн келди.
Лаос Республикасынын президентине Кыргызстандын улуттук символу жана VI Дүйнөлүк көчмөндөр оюндарынын расмий символу болгон илбирстин жумшак оюнчугу белекке берилди.
Белгилей кетсек, Кыргызстан 2026-жылы ШКУга төрагалык кылууда. Бишкекте уюмдун түзүлгөндүгүнүн 25 жылдык мааракелик саммити өтөт.
