Жалпы салмагы 3 тоннага жакын 60 кап “Карбамид” минералдык жер семирткичин контрабандалык жол менен ташууга бөгөт коюлду. Бул тууралуу УКМКнын басма сөз кызматынан билдиришти.
7-апрелде УКМКнын чек ара кызматкерлери менен биргеликте КР 1995-жылы туулган К.М.Э. аттуу жаранынын башкаруусунда “Фольксваген Крафтер” үлгүсүндөгү унаа Лейлек районунун Жаңы-Жер айылынын аймагынан кармалган.
Текшерүү учурунда унаадан эч кандай коштоочу документтери жок, жалпы салмагы 3 тоннага жакын “Карбамид” минералдык жер семирткич табылган. Бул унаа минералдык жер семирткич түрүндөгү жүктү коңшу мамлекеттерге жиберүү үчүн Лейлек районуна бара жаткан.
Бул факты боюнча тиешелүү тергөө иштери жүргүзүлүүдө.
