Лейлекте Эмгек, социалдык коргоо жана миграция министрлигине караштуу медициналык-социалдык эксперттик комиссиянын кызматкерлери кармалды. Бул тууралуу УКМК билдирди.
Лейлек райондор аралык медициналык-социалдык эксперттик комиссиянын мүчөлөрү майыптыгы бар жарандардын майыптык тобун аныктап берүү үчүн системалуу түрдө акча талап кылуу менен алектенген.
Баткен районунун тергөө судьясы тарабынан санкцияланган атайын тергөө иш-аракеттеринин натыйжасында козголгон кылмыш ишинин алкагында Лейлек райондор аралык МСЭКтин төрагасы эксперт жана врач эксперт тарабынан ден соолугунун мүмкүнчүлүгү чектелген жарандардан 3 миң сомдон 5 миң сомго чейинки өлчөмдөгү акча каражатын системалуу түрдө алгандыгын тастыктаган материалдар алынды.
Жогоруда аталган жарандар камакка алынып, тергөө-ыкчам иш-чаралар жүргүзүлүүдө.
