Лейлек районунун алыскы Айкөл айылына курулган Наркозу Батыров атындагы орто мектебинин курулушу аяктады. Президенттин Баткен облусундагы өкүлчүлүгүнөн билдиришкендей, 225 орундуу типтүү мектепте окуу үчүн толук шарттар түзүлүүдө.
Буга чейин аталган мектептин окуучулары мындан 75 жыл мурда ашар жолу менен курулган мектепте билим алып келген. Учурда Баткен облустук капиталдык курулуш башкармалыгы тарабынан республикалык бюджеттин эсебинен жалпы 106 млн 252 миң сом каралып, окуу жылына карата пайдаланууга берилүүсү күтүлүүдө.
