Бишкек шаарынын Ленин району боюнча Мамлекеттик салык кызматынын башкармалыгынын башчысы кармалды. Бул тууралуу УКМК кабарлады.
Ленин району боюнча салык кызматынын жооптуу кызмат адамдары тарабынан системалуу түрдө пара алуу фактылары аныкталган. Алар жеке ишкерлер менен жең ичинен кылмыштуу келишимге кирип, мамлекеттик милдеттүү салык төлөмдөрүнөн качууга мүмкүндүк берүүчү коррупциялык механизмдерин иштеп чыгышкан.
Опузалап пара алуу беренеси боюнча козголгон кылмыш ишинин алкагында жүргүзүлгөн иликтөө иштердин натыйжасында, Мамлекеттик салык кызматынын Ленин району боюнча башкармалыгынын башчысы «А.Т.Т.»га акча каражаттарын өткөрүп берүүнүн бир топ фактылары аныкталган.
Мындан тышкары салык төлөөчүлөрдү текшерүү бөлүмүнүн башкы инспекторунун берген көрсөтмөсүнө ылайык «A.» тарабынан мамлекеттик бюджетке салыктык чегерүүлөрдүн көлөмүн азайтып бергендиги үчүн «Т» ЖЧКнын өкүлдөрүнөн 5 миң АКШ доллары өлчөмүндө пара алынган.
Посмотреть эту публикацию в Instagram
