Ливиянын Дерна шаарында 2 миңге жакын адам «Дэниел» бороонунун кесепеттеринен жана суу ташкынынан улам каза болду. Бул тууралуу чет элдик ЖМКлар жазышууда.
Ливиянын чыгыш өкмөтүнүн премьер-министри Усама Хамаддын берген маалыматына караганда учурда дайынсыз жок болгондордун саны 7000ге жакын.
Маалыматка караганда, Ливиянын чыгышында 10-сентябрда «Даниел» деп аталган бороон болгон . Ал Жабал аль-Ахдар, Дерна жана Бенгази шаарларына таасирин тийгизген. Ливиянын бийлиги өлкөнүн чыгышындагы Киренаика провинциясындагы үч аймакты кырсык зонасы деп жарыялады. Ошондой эле алар эл аралык жардам сурады.
Бороондун кесепетинен Дернаны курчап турган эки дамба урап, суу ташкынына алып келген. Суу Ливиянын чыгышындагы шаарлардагы турак жайларды жууп, үйлөрдү талкалады. Бийлик өзгөчө кырдаал жарыялап, мектептер менен дүкөндөрдү жаап, коменданттык саат киргизди. БУУ «жергиликтүү жана улуттук жооп кайтаруу аракеттерин колдоо үчүн шашылыш жардам көрсөтүүгө» убада берди.
