«Аю» холдингинин негиздөөчүсү Шаршенбек Абдыкеримов сыртынан камакка алынды. Мындай чечимди Бишкектин Биринчи май райондук соту чыгарган.
Сот чечимди ИИМдин тергөөчүсүнүн сунуштамасынан кийин кабыл алган. Абдыкеримовду сыртынан Бишкектеги №1 убактылуу тергөө абагына киргизүү өкүмү чыкты.
Эскерте кетсек, ИИМ «Аю» компаниясынын Сокулук айылындагы, Токмок шаарындагы кампаларына тинтүү жүргүзүлүп, мыйзамсыз жүгүртүүдөгү 260 тоннадан ашык этил спирти, бухгалтердик документтер, акциздик маркалары жок 12 миң бөтөлкөдөгү спирт кошулган ичимдик табылганын билдирген.
