24-декабрда УКМК тарабынан Ош облусунун Өзгөн районунда 40 000 сом өлчөмүндөгү пара алып жаткан жеринен А.К. аттуу жактоочу кармалды.
Бул тууралуу аталган мекеменин басма сөз кызматты билдирди.
Маалым болгондой, жактоочу А.К. мүлк талашына байланыштуу жарандык иш боюнча маселени оң жагына чечип берүү максатында Өзгөн райондук сотунун судьясына берүү үчүн 120 000 сом өлчөмүндө акча каражатын талап кылган.
Учурда сотко чейинки өндүрүштүн алкагында аталган соттун катыштыгын аныктоо боюнча тергөө-оперативдик иш-чаралар жүргүзүлүүдө.
