Социалдык тармактарда Токмоктогу психоневрологиялык стационардын бейтаптары аң казып жаткан видеосу тарады.
Маалыматка ылайык, видео Токмок шаарындагы психоневрологиялык №1 стационардын мүмкүнчүлүгү чектелген бейтаптары. Видеонун автору алардын оор жумушка тартылганын айтып, мекеменин директоруна нааразычылыгын билдирген.
Turmush басылмасы стационардын директору Улукбек Усупбековдон бул окуя тууралуу комментарий алган.
“Канализация апрелден бери экскаватор менен казылып, бүтүрүү иштеринин аз бөлүгү эмгек терапиясынын алкагында бир нече бейтаптар арасында уюштурулганын, бейтаптардын жумушка тартылуусу мыйзам чегинде болгон, бул эмгек терапиясы”-деген ал.
