25-апрель күнү ден соолугунун мүмкүнчүлүгү чектелген адамдардын арасында сууда сүзүү боюнча республикалык чемпионат болуп өттү. Бул тууралуу спорт боюнча мамлекеттик агенттиктен билдирди.
Маалыматка ылайык, мээсинин шал оорусу, таяныч-кыймыл аппаратынын бузулушу, аутизм, даун синдрому менен жабыркаган жана көрүү, угуу боюнча мүмкүнчүлүгү чектелген 40ка жакын спортчулар катышкан.
“Жаштар иштери, дене тарбия жана спорт боюнча мамлекеттик агенттиктин алдындагы Спорттун олимпиадалык эмес түрлөрү боюнча дирекциясы жана Кыргыз Республикасынын ден соолугунун мүмкүнчүлүгү чектелген адамдардын арасында сууда сүзүү боюнча федерациясы тарабынан өткөрүлдү”, — деп берилет маалыматта.