Өмүрбек Текебаевге кол салуу фактысы боюнча жүргүзүлгөн ыкчам-иликтөө иш-чараларынын жүрүшүндө борбор калаанын криминалдык милиция кызматынын кызматкерлери тарабынан Чүй облусунун 1998-жылы туулган Э.Ы. атту у тургуну кармалды. Бул тууралуу Бишкек ШИИБнин басма сөз кызматы билдирди.
Маалыматка ылайык, кармалган адам тергөө кызматына жеткирилип, Кылмыш-процессуалдык кодексинин 96-беренесине ылайык Бишкек ШИИБдин убактылуу кармоочу жайына киргизилген.
Милициянын маалыматы боюнча, кармалган адам Ө.Текебаевге тиешелүү уюлдук телефонду өз ыктыяры менен кайтарып берген. Учурда кылмыш иши боюнча башка айыпталуучуларды аныктоо боюнча тергөө амалдары жана ыкчам иш-чаралары уланууда.
