Маевка айылында дүкөндөн уурулук кылган жаран кармалды. Бул тууралуу Чүй облустук милициясынын басма сөз кызматы кабарлады.
Маалыматка ылайык, Маевка айылынын У.Н. аттуу тургуну арыз менен кайрылып, 7-ноябрда дүкөндөн акча жана азык-түлүктөрдү уурдап кеткен белгисиз адамдарга карата чара көрүүнү суранган.
Аталган факты Аламүдүн райондук ИИБнин КЖБР КР Кылмыш-жаза кодексинин 200 (Уурдоо) беренесинин негизинде катталып, сотко чейинки териштирүүлөр башталган.
Ыкчам-иликтөө иш-чараларынын жүрүшүндө мурда соттолгон 26 жаштагы И.У. аттуу жаран кармалып, убактылуу кармоочу жайга киргизилди. Учурда келтирилген зыяндын көлөмү аныкталууда.
Милиция кызматкерлери бул адамдын ушул сыяктуу башка кылмыштарга катыштыгы бар-жогун текшерип, сотко чейинки териштирүүлөр улантылууда.