Дүйнөнүн эки жолку чемпиону, балбан Акжол Махмудов Instagram баракчасына пост киргизди. Анда ал, алдыда Азия оюндары бар экенин айтып, аталган турнирде машыктыруучуларын үмүтүн актоого бар күчүн жумшаарын билдирди.
“Турнирлерге ар дайым жоопкерчилик менен мамиле жасаганга аракет кылам. Машыктыруучуларымдын алдындагы милдеттеримди билем. Мен машыктыруучуларымдын үмүтүн жана эмгегин актоо үчүн 100% эмгектенишим керек. Тарых бир гана окулуп, изилденбейт. Аны жаратыш жана жазыш керек” – деп жазды балбан.
