Жалал-Абадда Тогуз-Торо районундагы ооруканада мамлекет бейтаптарга акысыз берген дарылар сатылып жатканы белгилүү болду. Бул тууралуу Акыйкатчы институтунун аппарат жетекчиси Аскат Азарбеков билдирди.
«Үстүбүздөгү жылдын октябрь айында дары-дармектердин жана керектелүүчү материалдардын тизмесин текшергенде, так ушул мөөнөтү өтүп кеткен дары-дармектер бейтаптарды дарылоодо колдонулганы аныкталган. Бул боюнча актылар түзүлүп, тиешелүү мамлекеттик органдарга кат жөнөттүк», — деди Азарбеков.
Белгилей кетсек Азарбеков «Укук кербени» долбоорунун алкагында ооруканага мониторинг жүргүзгөн учурда аныкталганын билдирген.
Ошондой эле сатылган дары-дармектерден сырткары калкты дарылоодо мөөнөтү өтүп кеткен дарылар да колдонулган.
Эскерте кетсек, буга чейин Акыйкатчы институтунун аппараты Сузак райондук ооруканасына мониторинг жүргүзгөн.
