Быйыл январь-сентябрь айларында Кыргызстан мамлекеттик карызды (тышкы жана ички бересе) төлөөгө 55 млрд 530.3 млн сом сарптады. Бул тууралуу Каржы министрлиги кабарлайт.
Маалым болгондой, аталган сумманын ичинен 32 млрд 919.6 млн сом тышкы бересени кайтарууга кеткен. Анын 28 млрд 442 млн сому негизги сумманы, 4 млрд 454.7 млн сому үстөк пайызды төлөөгө жумшалган.
Ички карызды төлөөгө 22 млрд 610.7 млн сом сарпталган. Анын 11 млрд 921.1 млн сому карыздын негизги суммасын, 10 млрд 689.6 млн сому үстөк пайызды төлөөгө кеткен.
