Курулуш, архитектура жана турак жай-коммуналдык чарба министри Нурдан Орунтаев Манас шаарында курулуп жаткан жаңы мектептердин курулуш иштеринин жүрүшүн текшерди. Бул тууралуу министрликтен билдиришти.
Маалыматка ылайык, министр курулуш иштеринин сапатына, колдонулуп жаткан курулуш материалдарына жана курулуштун жүрүшүнө өзгөчө көңүл бурду. Ошондой эле подрядчы уюмдардын өкүлдөрүнө курулуш темпин күчөтүп, бардык объектилерди белгиленген мөөнөттө жана сапаттуу бүткөрүү боюнча тапшырмаларды берди.
Белгилей кетсек, президент Садыр Жапаровдун тапшырмасына ылайык, быйыл Манас шаарында республикалык бюджеттин эсебинен жалпысынан 6 жаңы мектеп курулуп жатат. Бул долбоорлор аймактагы билим берүү инфраструктурасын жакшыртууга жана окуучулар үчүн заманбап шарттарды түзүүгө багытталган.
