«Бишкек-Ош жолунун 133-141-чакырымында түзүлгөн унаалардын тыгыны аталган аймакка менин келгениме байланыштуу эмес», — дейт Улукбек Марипов өзүнүн социалдык баракчасына.
Анын айтымында, тыгын жолдун оңдоо иштерине байланыштуу.
«Урматтуу мекендештер! Автоунаалардын топтолушу жолдун көрсөтүлгөн тилкесинде жүргүзүлүп жаткан оңдоо иштери болуп аткан үчүн пайда болгон. Көрсөтүлгөн жол тилкесин оңдоо 2021-жылдын 19-июлунда «Мостдорстрой» ЖЧК тарабынан башталган. Учурда унаа жолунун аталган участогунда асфальт-бетон төшөө үчүн негиз даярдоо боюнча иш жүрүүдө», — деп берилет маалыматта.