Мэрия жол киренин баасын көтөргөнү жатат. Ансыз да азык-түлүктүн баасы көтөрүлүп, жөнөкөй эл кыйналып жатат. Бул тууралуу депутат Марлен Маматалиев Жогорку Кеңештин жыйынында билдирди.
«Жалпысынан 100 млн сом мэриянын автобустарына бөлүнгөн…Анын айткан шылтоосу «айлык көтөрүлүп жатат» дейт. Айлык көтөрүлгөндөрдүн 30-40 пайызы эле, алар мамлекеттик кызматкерлер. Бир колубуз менен айлык көтөрүп, бир колубуз менен жол акыны көтөрөбүзбү? Биз автобуска деп бөлгөн акчалар каякта? Бул тариф социалдык жарылууга алып келет. Жөнөкөй эл кыйналып жатат, ансыз да азык-түлүктүн баасы көтөрүлүп жатат. Туура эмес, муну тапшырма берип, карап коюңүз», — деди депутат.
Буга чейин Бишкек шаарынын мэриясынын Транспорт жана жол инфраструктурасын өнүктүрүү департаментинин директору Максат Нусувалиев жол кире акысынын көтөрүлүшү, коомдук транспорттун абалы жана кыймылдуу курамды көбөйтүү пландары тууралуу 3 вариант каралып жатканын айткан.
