Мароккодо күчү 7 баллдан ашкан жер титирөө болуп 632 адам каза болду. Бул тууралуу чет элдик басылмалар жазып чыгышты.
Маалыматка ылайык, жер титирөө 9-сентябрга караган түнү жергиликтүү убакыт боюнча саат 23:10да башталган. Жер титирөө Марракеш, Касабланка, Мекнес, Агадир жана Фес сыяктуу шаарларда жана Рабатта сезилди. Жаракат алгандардын саны 329га жеткен.
Марокконун куралдуу күчтөрү, жергиликтүү администрациялар, коопсуздук күчтөрү жана жарандык коргонуу бөлүктөрү издөө-куткаруу иштерин улантып, кырсык болгон аймакка гуманитардык жардам жеткирүү үчүн бардык каражаттардын мобилизацияланганын билдиришти.
Марракеш шаарындагы бул жер титирөө өлкөнүн тарыхындагы эң чоң жер титирөө болгонун Улуттук геофизикалык институту билдирди.
