11-майда массаж салонуна жамынып, интимдик кызмат көрсөтүүчү сойкукана аныкталды. Бул тууралуу УКМК билдирет.
Уюштурган КР жараны Д.А.Д. кармалып, УКМКнын тергөө абагына киргизилди. Аталган укалоочу жайда 8 кыз интимдик кызмат көрсөтүп жүргөн.
Учурда бул кылмышка тиешеси бар адамдарды аныктоо жана кылмыш жоопкерчилигине тартуу боюнча тергөө-ыкчам иш-чаралары жүргүзүлүп, ушул сыяктуу дагы башка фактылар аныкталууда.
УКМК интимдик жайларды уюштургандар үчүн кылмыш жоопкерчилиги, ошондой эле сойкулукка тартуу жана аны менен алектенүү үчүн административдик жоопкерчилик каралганын эскертет.
