Мектептердин айланасындагы дүкөндөрдө балдарга зыяндуу азыктарды сатууга тыюу салынууда. Бул тууралуу Ош шаарынын мэриясынын басма сөз кызматы билдирди.
Маалыматка ылайык, Ош шаарындагы мектептердин аймактарынан 100 метр радиуста жайгашкан соода объекттеринде зыяндуу тамак-аш азыктарын сатууга тыюу салуу боюнча рейддик иш-чаралар башталган,
Анын алкагында санитардык-эпидемиологиялык кызмат (СЭС) тарабынан зыяндуу деп табылган азыктар сатуудан алынып салынды. Бул чаралар мектеп окуучуларынын ден соолугун коргоо максатын көздөйт.
Белгилей кетсек, соода түйүндөрүнүн ээлерине жогорудагы талаптарды сактоо боюнча алдын ала эскертүүлөр берилген.
