Бишкек шаарынын мэриясынын транспорт департаментинин инспектирлөө бөлүмү тарабынан “Бишкек шаардык транспорт” муниципалдык ишканасы жана “Тулпар” ишканасы менен биргеликте, шаардагы коомдук транспортто жүргүнчүлөрдүн төлөм жүргүзүүсүн текшерүү рейддик иш-чаралары уланууда. Бул тууралуу мэриядан билдиришти.
Маалыматка ылайык, аталган рейд, күн сайын жумуш күндөрү эртең менен саат 09:00дөн тартып кечки 18:00гө чейин уланат.
2026-жылдын январь айынан тартып бүгүнкү күнгө чейин орто эсеп менен автобуста жол акысын төлөбөгөн 400 жакын жүргүнчүгө 1000 сом өлчөмүндөгү айып пул салынып, протокол түзүлгөн.
