Бишкектин четинен белгисиз адамдар жасалма паспорт менен банктын депозиттик эсебинен 4 миллион сом алып кеткен. Облустук ички иштер башкармалыгынын маалыматы боюнча кылмышка шектүү делгендер окуядан эки жыл убакыт өткөндөн кийин гана кармалган.
2020-жылдын Ысык-Ата райондук милициясына банк кызматкери кайрылган. Ал жасалма паспорт колдонуу менен депозиттик эсептен ири суммадагы акчаны чыгарып кеткен кишиге чара көрүүнү өтүнгөн.
Кылмышкер эсептен алгач 350 миң сом, кийинки күнү 3 миллион 845 миң сом алган.
Аталган факты боюнча жүргүзүлгөн иликтөөнүн натыйжасында кылмышка шектүүлөр: Бишкектин 1996-жылы туулган тургундары А.А., О.З., 1997-жылы тургуну Э.А. ушул жылдын 18-июнунда кармалышты.
Учурда шектүүлөр суракка алынып, башка да иштерге тиешеси бар же жогу иликтенип жатат.
