Социалдык тармактарда Милициянын кайгуул кызматынын кызматтык унаасынын үстүнө отуруп алып, жосунсуз жоруктарды көрсөткөн жарандын видеосу тарады. Бул тууралуу Милициянын кайгуул кызматынын басма сөз кызматы төмөнкүлөрдү билдирет.
Маалыматка ылайык, «102» кызматына Чүй жана Гоголь көчөлөрүнүн кесилишиндеги мейманканалардын биринде мас жаран ызы-чуу салып жатат деген маалымат келип түшкөн.
Айтылган дарекке ошол замат кайгуул кызматкерлери келип, жол жээгине кызматтык унааны токтотуп, чакырууну тейлеп кирип кетишкен.
«Ошол учурда белгисиз эркек жаран кызматтык унаанын үстүнө отуруп, өзүн күзгүдөн карап, жосунсуз жоруктарды көрсөткөн. Азыркы учурда ал жаран изделип жатат. Жоопкерчилиги сөсүз каралат»,- деп берилет маалыматта.
