7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Март 2024
Пн Вт Ср Чт Пт Сб Вс
 123
45678910
11121314151617
18192021222324
25262728293031
  • social_icon
  • social_icon
  • social_icon
  • social_icon

Министр: 600 миңге жакын бала ысык тамак менен камсыздалды

281

Башталгыч класстын балдары үчүн бир жолку тамактанууну уюштурууга бардык шарттар түзүлгөн. Учурда өлкөдө 600 миңге жакын бала ысык тамак менен камсыздалды жана аларды каржылоо республикалык бюджеттен жүргүзүлөт. Бул тууралуу билим берүү жана илим министри Догдуркул Кендирбаева Бишкекте өткөн КМШ өлкөлөрүнүн мектеп тамак-ашы боюнча форумунда кабарлады.

Догдуркул Кендирбаева форум – КМШ өлкөлөрүнүн мектеп тамак-аш программаларын натыйжалуу ишке ашыруу боюнча алдыңкы тажрыйбаларын алмашууга мүмкүнчүлүк түзгөн мыкты аянтча экендигин белгиледи.

“Улуттук мектеп тамак-аш программасынын негизги максаты – башталгыч класстардын окуучуларын пайдалуу ысык тамактар менен камсыз кылуу. Анткени мектеп тамак-ашы сапаттуу билим алууга өбөлгө түзүп, балдардын окууга болгон дымагын жана натыйжалуулугун жогорулатат ”, — деди министр.

Буга кошумча Кендирбаева БУУнун Дүйнөлүк азык-түлүк программасы “Мектептеги тамак-ашты оптималдаштыруу” программасынын алкагында техникалык, инфраструктуралык колдоо көрсөткөндүгүн, ошондой эле менюну иштеп чыгууга көмөктөшкөндүгүн белгиледи.

Мектеп тамак-ашы боюнча биринчи форумга КМШга мүчө өлкөлөрдүн жана башка кызыкдар өлкөлөрдүн мамлекеттик бийлик органдарынын жетекчилери, бул чөйрөдөгү алдыңкы эл аралык институттардын жана мекемелердин өкүлдөрү, профилдик илимий, эксперттик жана коммерциялык уюмдар катышты.

282