Министрлер кабинети “2030-жылга чейин Кыргызстандын чакан жана орто ишкердигин колдоо жана өнүктүрүү программасын бекитүү жөнүндө” токтом кабыл алды.
Программанын негизги максаты-чакан жана орто бизнестин ички дүң продукциядагы үлүшүн көбөйтүү, жаңы жумуш орундарын түзүү, экспорттук мүмкүнчүлүктү кеңейтүү жана салыктык түшүүлөрдү арттыруу аркылуу экономиканын өсүшүнө шарт түзүү.
Документте ишкерлер үчүн «Бирдиктүү терезе» принциби менен иштей турган «МСП Хаб» санариптик платформасын ишке киргизүү жана мамлекеттик-жеке өнөктөштүктү өнүктүрүү каралган.
Ошондой эле программаны жана иш-чаралар планын өз убагында жана сапаттуу аткаруу боюнча мамлекеттик органдардын жана жергиликтүү бийлик өкүлдөрүнүн жеке жоопкерчилиги белгиленди.
