Кочкор районунун Арсы айылындагы «Пруд» тилкесинде мыйзамсыз балык уулап жаткан үч жаран аныкталды. Бул тууралуу Жаратылыш ресурстары, экология жана техникалык көзөмөл министрлиги билдирди.
Маалыматка ылайык, мыйзам бузуу фактысы министрликтин Нарын регионалдык башкармалыгы жүргүзгөн кезектеги рейддин жүрүшүндө катталган.
Текшерүүнүн жыйынтыгында уруксат берүүчү документтери жок балык уулап жүргөн жарандарга тиешелүү айып пулдар салынды.
Мындан тышкары, жергиликтүү тургундар арасында мыйзамсыз балык уулоонун алдын алуу боюнча түшүндүрүү иштери жүргүзүлүп, мындай рейддер туруктуу негизде өткөрүлөрү белгиленди.
