Кызыл-Кыя шаарында дагы эки көйгөйлүү көп кабаттуу турак үй пайдаланууга берилди. Бул тууралуу Курулуш, архитектура жана турак жай-коммуналдык чарба министрлиги билдирди.
Сөз 30 жана 50 батирден турган 9 кабаттуу турак үйлөр тууралуу болууда. Алар 2018 жана 2021-жылдары курулуп бүткөнүнө карабастан, ушул убакка чейин расмий пайдаланууга берилбей келген.
Эми объекттерге шайкештик актылары тапшырылып, батир ээлери турак жайларын өз атына каттатып, укук белгилөөчү документтерди алууга мүмкүнчүлүк алышты.
Министрлик белгилегендей, өлкөдөгү көйгөйлүү көп кабаттуу үйлөрдү мыйзамдаштыруу иштери мындан ары да этап-этабы менен улантылат.
