1-май күнү Кант шаарындагы Жалпы дарыгерлик практика борборуна оор жаракат алган 1991-жылы туулган жаран жеткирилген. Дарыгерлер ага сан сөөгүнүн жылышуу менен жабык сынганы диагнозун коюп, окуя тууралуу милицияга кабарлашкан.
Жабырлануучунун арызынын негизинде Кылмыш-жаза кодексинин 130-беренеси («Ден соолукка оор зыян келтирүү») боюнча кылмыш иши козголду.
Жүргүзүлгөн ыкчам-иликтөө иштеринин натыйжасында кылмышка шектүү катары 1998-жылы туулган жаран кармалып, убактылуу кармоочу жайга киргизилди.
Учурда кылмыш иши боюнча тергөө амалдары уланууда.
