И. Раззаков атындагы Кыргыз мамлекеттик техникалык университетине Чыныбаев Мирлан Койчубекович кайрадан ректор болуп дайындалды. Бул тууралуу университеттен билдиришти.
Маалыматка ылайык, ректор Президенттин Администрациясынын жетекчиси Касымалиев Адылбек Алешовичтин 2025-жылдын 18-декабрындагы № 735 тескемеси менен дайындалган.
Жолугушуу учурунда тескеме университет жамаатына Илим, жогорку билим берүү жана инновациялар министринин милдетин аткаруучу Айбек Чотонов тарабынан тааныштырылды.
Жыйынга түзүмдүк бөлүмдөрдүн жетекчилери, профессордук-окутуучулар курамы, кызматкерлер катышты.
