Бүгүн, 2-февралда өлкө мектептеринин башталгыч класстарынын мугалимдери үчүн 20 миң 286 даана “Алтын Казык” ноутбуктары тапшырылды. Бул тууралуу Агартуу министрлиги билдирди.
Маалыматка ылайык, кийинки партияларда тарых, география жана кыргыз тили предметинин мугалимдерине берүү пландалууда.
Алар техникалык талаптарга ылайык даярдалып, автоматтык түрдө жаңыртылып турат жана коопсуздук мүмкүнчүлүктөрү менен камсыздалган. Мындан тышкары, мугалимдердин күнүмдүк ишине зарыл методикалык колдонмолор жана керектүү программалар киргизилген.
Эске салсак, өткөн жылы STEM предметтеринин (математика, физика, химия, биология, информатика) мугалимдерине 27 миңден ашык “Алтын Казык” ноутбугу берилген.
